Türkiyənin İstanbulun şəhərində polis əməkdaşı Şeyda Yılmazı öldürməkdə təqsirli bilinən Yunus Emre adlı şəxs ömürlük azadlıqdan məhrum olunub.
QÜTB.AZ Türkiyə mətbuatına istinadən xəbər verir ki, qatilin 26 müxtəlif cinayət əməli aşkarlanıb. O, Türkiyə C.M-in “cinayəti gizlətmək, dəlilləri aradan qaldırmaq və ya cinayəti gizlətmək məqsədi ilə qadın polis əməkdaşını qəsdən öldürmə” maddələrilə həbs edilib.
Xatırladaq ki, Y.Emre ötən ilin sentyabrında İstanbulda motosiklet oğurluğunda şübhəli bilinib. Ona qarşı əməliyyat təşkil olunub. Bu zaman o, polisin silahını götürərək onlara və ətrafdakı insanlara atəş açıb. Hadisə zamanı polis əməkdaşı Şeyda Yılmaz həlak olub.
