Avtobusun sürücüsü sürət həddini aşaraq idarəetməni itirib və nəticədə avtomobil dərəyə aşıb.
QÜTB.AZ Pakistan İnformasiya Nazirliyinə istinadla xəbər verir ki, Pakistanın Sind əyalətində sərnişin avtobusunun dərəyə aşması nəticəsində azı 25 nəfər ölüb, 22 nəfər yaralanıb.
Onun sözlərinə görə, hadisə İrandan Pəncab əyalətinə gedən 60 zəvvarını daşıyan sərnişin avtobusunun sürət həddini aşması və sürücünün idarəetməni itirməsi nəticəsində avtobus Buzzi Top kəndi ərazisində dərəyə aşıb.
Hadisə yerində xilasetmə işləri davam edir. Qəzaya uğrayan avtobusun içərisində daha dörd sərnişin qalıb. Onları təxliyə etmək üçün kran çağırılıb.
