"ABŞ-ın keçmiş prezidenti Donald Tramp noyabrda keçiriləcək seçkilərdə qalib gələrsə, dərhal Ukraynada sülhün bərqərar olmasında vasitəçi rolunu oynayacaq və bunun üçün planı var".
Publika.az xəbər verir ki, bunu Macarıstanın Baş naziri Viktor Orban Avropa İttifaqı Şurasının rəhbəri Şarl Mişel üçün hazırladığı hesabatında bildirib.
Baş nazir qeyd edib ki, Trampla danışıqlar zamanı onun seçki kampaniyasında xarici siyasətin kiçik rol oynayacağı qənaətinə gəlib. Ona görə də seçkilər öncəsi ABŞ-ın keçmiş prezidentindən hər hansı sülh təşəbbüsü gözləməyə dəyməz.
Orban əlavə edib ki, qalib gələrsə, Tramp dərhal münaqişənin həllində vasitəçi kimi çıxış etməyə başlayacaq və inauqurasiyasını gözləməyəcək.
