Moskvanın üç rayonu işıqsız və istiliksiz qalıb.
Publika.az xəbər verir ki, bu barədə “Shot Telegram” kanalı məlumat yayıb.
İlkin məlumata görə, fövqəladə hadisə Vısokovoltnıy proezd yarımstansiyasında baş vermiş yanğın nəticəsində baş verib. Bibirevo, Altufyevo və Otradnoe rayonlarının sakinləri evlərində işıq və istilik olmadığını bildirirlər.
"Mash Telegram" kanalı aydınlaşdırır ki, şaxta fonunda mənzillərdə havanın temperaturu 10-15 dərəcəyə enib.
Fövqəladə Hallar Nazirliyinin əməkdaşları yanğın baş verən əraziyə gəlib. İstehlakçılar ehtiyat enerji təchizatı sxeminə keçirlər.
