Müğənni Cennifer Lopez barmağında toy üzüyü olmadan kamera qarşısına keçib.
Publika.az xəbər verir ki, sənətçi lentə aldığı fotoları "Instagram" hesabında paylaşıb.
Fotolarda o, həyat yoldaşı aktyor Ben Affleklə yaşadığı problemlər barədə yayılan söz-söhbətlərə baxmayaraq, poza verib və gülümsəyib.
Bundan əvvəl Lopez ərinin adı olan kulonu boynundan çıxarıb. Belə ki, Afflekə həsr olunmuş qızılı "Ben Heart" boyunbağıya üstünlük verən müğənni bu yaxınlarda idman zalından çıxarkən paparassilərin obyektivinə tuş gəlib. Fotoqraflar onu idman geyimində, ağ şalvar və boynuna yeni seplə yaxalayıblar.
Jurnalistlər bildiriblər ki, bu, 50 gündən çox bir yerdə görünmədikləri cütlük arasında ciddi fikir ayrılıqlarına işarə edə bilər.
