Norveç qanunsuz övladlığa götürmə iddialarının araşdırıldığını bildirərək, bu prosesdə Filippin, Tayland, Tayvan və Cənubi Koreyadan övladlığa götürmənin dayandırıldığını açıqlayıb.
Publika.az xəbər verir ki, Norveç Uşaq, Gənclər və Ailə İşləri Müdirliyindən yerli mətbuata verilən açıqlamada qeyri-qanuni övladlığa götürmə iddiaları ilə bağlı işlərin olduğu və onların ciddi şəkildə araşdırıldığı bildirilib.
Açıqlamada Cənubi Koreyadan övladlığa götürmə prosedurlarının dayandırıldığı, hazırda övladlığa götürmə prosesinə başlayan ailələrin əməliyyatlarını tamamlamaq üçün araşdırmanın tamamlanmasını gözləmələri lazım olduğu bildirilib.
Norveçin Uşaq, Gənclər və Ailə Məsələləri üzrə Direktoru Hege Nilssen bu ayın əvvəlində verdiyi açıqlamada bəzi uşaqların saxta doğum şəhadətnaməsi ilə ailələrə satıldığına dair iddialara diqqət çəkib. Ölkədəki övladlığa götürmə sisteminə yenidən baxılması lazım olduğunu vurğulayıb.
Aysel Şahmar
