NATO-nun baş katibi Yens Stoltenberqin Ukrayna Silahlı Qüvvələrinin mümkün təslim olması ilə bağlı sözləri Qərb siyasətində dəyişiklikdən xəbər verir.

Publika.az xəbər verir ki, bunu rusiyalı senator Aleksey Puşkov deyib. Senator fikirlərini Telegram kanalında paylaşıb.

Parlamentari Şimali Atlantika Alyansının rəhbəri Stoltenberqin Ukraynanın təslim olmasının sülh gətirməyəcəyinə inanan sözlərini belə şərh edib. O, münaqişənin həlli üçün “Ukraynanı suveren və müstəqil dövlət kimi qoruyub saxlamalı olan” danışıqlara ehtiyac olduğunu bildirib.

“Bu, NATO baş katibinin çıxışı üçün yeni bir şeydir. Stoltenberqin bəyanatı Qərbin Kiyev üçün hərbi əməliyyatların perspektivlərinə şübhə ilə yanaşdığını göstərir. Artıq oradakı ərazilərin qaytarılması ilə bağlı ciddi söhbət getmir”.

Puşkovun fikrincə, Qərb “maksimum vəzifə”dən imtina edib və minimum planı yerinə yetirməyə çalışır, daha doğrusu, Qərbin təsir zonasına gizli şəkildə daxil olmaq perspektivi ilə ölkə ərazilərinin əsas hissəsini qoruyub saxlamaq istəyir. Senator əmindir ki, Qərbdə belə bir nəticə qələbə kimi qələmə veriləcək, baxmayaraq ki, reallıqda belə olmayacaq.

NATO baş katibinin sözləri Papa Fransiskin bəyanatına reaksiya olub. O, Ukrayna münaqişəsindən danışaraq uduzan tərəfin ağ bayraq qaldıraraq sülh danışıqlarına başlamalı olduğunu bildirib.

Cəmilə