Türkiyəli məşhur model və aparıcı Deniz Akkayanın qızına qarşı zorakılıq etməsi ilə bağlı başladılan istintaq tamamlanıb.
Publika.az xəbər verir ki, may ayında Deniz Akkayanın 16 yaşlı qızına qarşı zorakılıq tətbiq etdiyi iddiası irəli sürülüb. İddialardan sonra İstanbul Respublika Baş Prokurorluğu tərəfindən istintaq başladılıb.
İddianamədə Deniz Akkayanın qızına “tabeliyində olan şəxsi silahla qəsdən yaralama” maddəsi ilə 1 il 6 aydan 4 il 6 aya qədər həbs cəzası istənilib.
İstintaq zamanı Akkayanın qızı şikayətindən imtina etdiyi bildirilib.
Qeyd olunub ki, Akkayaya qarşı ittiham aktı hazırlanaraq İstanbul Ədliyyə Cəza Məhkəməsinə göndərilib. İddianamə qəbul ediləcəyi təqdirdə Deniz Akkayanın yaxın günlərdə hakim qarşısına çıxacağı gözlənilir.
Cəmilə
