Türkiyə Mərkəzi Bankı ardıcıl səkkizinci dəfə əsas faiz dərəcəsini artırıb.

Publika.az xəbər verir ki, bankın mətbuat xidməti bu rəqəmin 42,5 faizdən 45 faizə yüksəldiyini bildirib.

“Daxili tələbatın hazırkı səviyyəsi, xidmət sektorunda inflyasiyanın qeyri-sabitliyi və geosiyasi risklər inflyasiya təzyiqini eyni səviyyədə saxlayır. Xarici maliyyələşdirmə şərtləri, valyuta ehtiyatlarının gücləndirilməsi, cari əməliyyatlar balansının bərpası və türk lirəsi ilə ifadə olunan aktivlərə tələbat məzənnə sabitliyinə və pul siyasətinin effektivliyinə töhfə verməkdə davam edir”, - deyə Mərkəzi Bank rəsmiləri izah ediblər.

Tənzimləyici əlavə edib ki, 45 faizlik əsas dərəcə qiymət artımında əhəmiyyətli yavaşlama olana və inflyasiya gözləntiləri proqnoz aralığına yaxınlaşana qədər saxlanılacaq. Bununla yanaşı, komitə “gözə çarpan və davamlı risklər” yaranarsa, göstəricinin daha da yüksəlməsi ehtimalını istisna etməyib.

Tural