Mənə məni daha yüksək zirvələrə qaldıran kişi lazımdır. Gəl və məni həyəcanlandır - gəl məni öp, gəl və məni sev!
Publika.az xəbər verir ki, "I need a man" adlı yeni mahnısından olan bu sözləri məşhur müğənni Səmra Rəhimli sosial mediada yazıb.
Dünyaca məşhur ulduz Rita Oranın musiqi prodüseri Stefanla işləməyə başlayan Səmra musiqi dili ilə zəif kişiləri bəyənmədiyini qeyd edib. Onun bu sözləri sosial mediada müzakirələrə səbəb olub.
Mahnı sənətçinin kimliyinə hörmət edən və onu olduğu kimi qəbul edən kişiyə ehtiyac duymasından bəhs edir. Ümumiyyətlə, bu, ulduzun qadın azadlığını təbliğ və müdafiə etdiyi ilk işi deyil. Əminliklə demək olar ki, azad, güclü, özünəinamlı və yaradıcı qadın mövzusu cazibədar ifaçının yaradıcılığının əsas qayəsini təşkil edir.
