Amerikalı iş adamı İlon Mask ABŞ-ın hazırkı vitse-prezidenti və Ağ Evin rəhbəri vəzifəsinə yeni namizəd Kamala Harrisi amerikalı maliyyəçi Corc Sorosun oğlu Aleksandr Sorosun “kuklası” adlandırıb.
Publika.az xəbər verir ki, bu barədə "RİA Novosti" məlumat yayıb.
Sorosun Harrislə fotosunu və ABŞ vitse-prezidentinə dəstək mesajını dərc etdikdən sonra Mask deyib: “Sadəcə Aleksandr Sorosa onun növbəti kuklasının kim olacağına şübhə etmədiyi üçün təşəkkür etmək istərdim”.
Maskın sözlərinə görə, Baydenin ikinci müddətə namizəd olmamaq qərarı demokratların mövcud siyasi maşını qoruyarkən “sadəcə daha yaxşı işləyəcək bir kukla istəməsi” ilə izah olunur.
ABŞ-ın hazırkı prezidenti Co Baydenin seçki yarışını tərk etməsindən sonra İlon Mask demokratların Respublikaçı namizəd Donald Trampdan qorxduğunu deyib: "Çünki o, “kukla" deyil".
Hüseyn İbadlı
