Paris Kassasiya Məhkəməsi 2018-ci il mayın 1-də nümayişin yatırılmasında iştirakından sonra irəli sürülən bir neçə ittihamla üç il müddətinə azadlıqdan məhrum edilən Fransa prezidentinin keçmiş köməkçisi Aleksandr Benallın şikayətini rədd edib.
Publika.az xəbər verir ki, qalmaqaldan 6 il sonra çıxarılan hökm Benallın həbsinə səbəb olmayacaq, çünki o, artıq bir il ev dustaqlığında cəza çəkib, qalan iki ilini apellyasiya məhkəməsi şərti cəza kimi təsnif edib.
Qalan ittihamlar üzrə, o cümlədən diplomatik pasportlardan istifadə, xidməti pasport almaq üçün sənədlərin saxtalaşdırılması və qanunsuz silah saxlamaqda məhkəmə aşağı instansiya məhkəməsinin qərarını qüvvədə saxlayıb. Digər əsaslandırılmış ittihamlara etirazçılara qarşı zorakılıq, polisə müdaxilə və özünü hüquq-mühafizə orqanının əməkdaşı kimi təqdim etmək daxildir.
