Dakota Consonun baş rolda oynadığı "Madame Web" filmi ABŞ-da nümayiş olunduğu ilk altı gündə 26 milyon dollar qazanıb.
Publika.az xəbər verir ki, bu barədə "Deadline" məlumat yayıb.
Bildirilib ki, belə bir başlanğıc uğursuzluq hesab olunur, lakin bir həftə ərzində filmin kassası 50 milyon dollar həddini keçərsə, o zaman nəticəni məqbul adlandırmaq olar.
"Madame Web" gələcəyi görmək qabiliyyətini kəşf edən və onu dəyişdirmək istəyən tibb bacısı "Kassandra Uebb" haqqındadır. Filmdə Dakota Consondan başqa Sidney Svini, İzabela Mersed, Emma Roberts , Adam Skott və Selest O'Konnor da çəkilib. Filmin rejissoru SJ Clarksondur.
Aktrisa Dakota Consonun fevralın 12-də Los-Ancelesdə baş tutan “Madame Web” filminin premyerasında qonaq olduğu bildirilirdi.
Hüseyn İbadlı
