İspaniyanın baş naziri Pedro Sançesin Kataloniyanın müstəqillik hərəkatını dayandırmaq cəhdlərinə baxmayaraq, Kataloniya hökumətinin başçısı Pere Araqones bildirib ki, onun son məqsədi öz müqəddəratını təyinetmə ilə bağlı referenduma icazə almaqdır.

Publika.az xəbər verir ki, o, bu barədə "Euractiv"ə müsahibəsində bildirib.

“Bizə dedilər ki, Kataloniya liderləri üçün amnistiya mümkün deyil, amma indi mümkündür. İndi bizə deyirlər ki, referendum mümkün deyil. Biz siyasi və seçki gücünü bu hədəfin xidmətinə qoyacağıq və son nəticədə bunu da mümkün edəcəyik”, deyə Araqones bildirib.

Onun sözlərinə görə, sosialistlərlə danışıqlar dalana dirənərsə, o, hökumət koalisiyasının səslərinə ehtiyacı olan partiyasının 7 deputatından “danışıqların irəliləməsi üçün stimul kimi” istifadə etməyə hazırdır.

Araqones qeyd edib ki, amnistiya qanunu Madrid ilə dialoqu bərpa etmək yolunda "danışıqların ikinci mərhələsini aça bilmək üçün" yalnız ilk addımdır.

O, həmçinin bildirib ki, irəliyə doğru yol İspaniya hökuməti ilə siyasi danışıqlardır ki, “bu münaqişənin həlli son nəticədə Kataloniya vətəndaşlarının səsverməsinin nəticəsi olsun”.

Cəmilə