Rusiyalı qadın it sürüsü onun cins toyuqlarını parçaladığı üçün məhkəməyə üz tutub.
QÜTB.AZ xəbər verir ki, hadisə Kalininqrad yaxınlığında baş verib.
Rus qadın toyuqlarını parçalayan itlərin sahibi olan qonşusunu məhkəməyə verib.
Kalininqrad vilayət məhkəməsinin yaydığı məlumata görə, bu ilin iyul ayında Pravdinski rayon sakininin 12 iti qonşu qadının toyuq hininə daxil olub. Heyvanlar cins 29 toyuğu parçalayıb. Qadın maddi ziyanın və mənəvi zərərin ödənilməsini tələb edib.
O, iddia ərizəsində qeyd edib ki, toyuqlarını parçalayan itlər çox vaxt kənd sakinlərini narahat edir, çünki sahibi onları nəzarətsiz qoyur.
Məhkəmə cavabdehin dəymiş ziyana görə 40 min rubla yaxın pul, habelə dövlət rüsumu ödəməsinə qərar verib.
Ləman
