Martın ilk ongünlüyünün sonu və Ramazan ayının əvvəlində radikalların əlində olan girovlar azad olunmasa, İsrail Qəzza zolağında hərbi əməliyyatını ölkənin cənubundakı Rəfah şəhərinə qədər genişləndirəcək.

Publika.az xəbər verir ki, bunu İsrailin müdafiə naziri Benni Qantz bazar günü ABŞ yəhudi təşkilatlarının rəhbərliyinin Qüdsdə keçirilən konfransında çıxışı zamanı edib.

“Dünya və HƏMAS liderləri bilməlidir ki, Ramazana qədər girovlarımız evdə olmasalar, Rəfah bölgəsi də daxil olmaqla hər yerdə döyüşlər davam edəcək. Biz bunu koordinasiyalı şəkildə edəcəyik, dinc əhalinin tələfatını minimuma endirmək üçün amerikalı və misirli tərəfdaşlarımızla dialoq əsasında mülki şəxslərin təxliyyəsini asanlaşdıracağıq”, - deyə Müdafiə Nazirliyinin keçmiş rəhbəri və İsrail ordusunun baş qərargah rəisi Qantz bildirib.

“Rəfah hücumunun dəyərinin çox baha başa gələcəyini düşünənlərə açıq şəkildə deyirəm ki, HƏMAS-ın seçimi var: onlar təslim olub girovları azad edə, sonra qəzzalılar müqəddəs Ramazan bayramını qeyd edə bilərlər.

Cəmilə