Naməlum şəxslər İranın Sistan və Bəlucistan vilayətlərində seçki qutularını daşıyan avtomobilə atəş açıblar.
Publika.az İran mətbuatına istinadən xəbər verir ki, hücum nəticəsində təhlükəsizlik xidmətinin iki işçisi həlak olub, 5 nəfər yaralanıb.
Hücuma baxmayaraq, bülletenlər səslərin sayıldığı vilayət qubernatorluğuna aparılıb.
Hücuma görə məsuliyyəti hələlik heç bir silahlı qruplaşma üzərinə götürməyib.
