Şimali Koreyada iki gənc Cənubi Koreya seriallarına baxdıqları üçün 12 il həbs cəzasına məhkum edilib.
Publika.az xəbər verir ki, Sand meneceri Choi Kyong-hui Cənubi Koreyanın dramlarını və musiqisini öz ideologiyalarına təhlükə kimi gördüyünü bildirib.
Şimali Koreyadan qaçan vətəndaşlarla işləyən Cənub və Şimal İnkişaf İnstitutunun (Sand) BBC-yə təqdim etdiyi 2022-ci ilə aid görüntülərdə 16 yaşlı iki gəncin ictimaiyyətin gözü qarşısında qandallandığı bildirilib.
Sözügedən görüntülərin Şimali Koreya vətəndaşlarını ideoloji cəhətdən maarifləndirmək üçün istifadə edildiyi iddia edilir.
BBC videonun səs yazılarını öz saytında yerləşdirməsə də, videoda aşağıdakı ifadələrin olduğunu iddia edib: “Çürük kukla rejimin (Cənubi Koreya) mədəniyyəti hətta gənclərə də yayılıb. Onların hələ 16 yaşı var, amma öz gələcəklərini məhv ediblər”.
Roza Şəfiyeva
