Finlandiyada keçirilən prezident seçkilərində səslərin 100 faizi hesablandıqdan sonra Aleksandr Stubb 51,6 faizlə qalib gəlib.

Publika.az xəbər verir ki, bu barədə ölkənin Ədliyyə Nazirliyi məlumat yayıb.

Stubbın rəqibi, keçmiş xarici işlər naziri və parlament üzvü Pekka Haavisto 48,4 faiz səs toplayıb. Seçkilərdə iştirak 67,6 faiz təşkil edib.

Finlandiya prezident seçkilərinin ikinci turu bazar günü, fevralın 11-də yerli vaxtla saat 9:00-da başlayıb. Rəy sorğularına görə, hakim sağ mərkəzçi Milli Koalisiya partiyasının namizədi Alexander Stubb seçki yarışında şəksiz favorit olub.

Bundan əvvəl Stubb Helsinkinin Ukraynadakı münaqişənin həllində vasitəçi olmağa hazır olduğunu bəyan edib. Xüsusilə, o, Rusiyanın xarici işlər naziri Sergey Lavrovla yaxşı şəxsi münasibətlərdə olduğunu və Moskva ilə dialoq qurmağa qadir olduğunu vurğulayıb.

Hüseyn İbadlı