Məşhur fizik Albert Eynşteynin ABŞ prezidenti Franklin Ruzvelti dünyada ilk atom bombasını hazırlamağa çağıran məktubu hərracda 4 milyon dollara satıla bilər.
Publika.az xəbər verir ki, 1939-cu ildə yazılmış iki səhifəlik məktubda ABŞ-ın nüvə proqramı qurmaq üçün tez hərəkətə keçməsi tələb olunub və nasist Almaniyasının artıq bu gücə malik ola biləcəyi barədə xəbərdarlıq edilib.
Məktubda yalnız Eynşteynin adı olsa da, prezidentin diqqətini çəkəcəyinə inanan ixtiraçı Leo Szilard yazıb.
Bu əsər 2018-ci ildə vəfat etmiş “Microsoft”un həmtəsisçisi Pol Allene məxsus kolleksiya ilə birlikdə sentyabrın 10-da Nyu-Yorkdakı “Christie's”də satılacaq.
Roza
