Bərdədə dana əti ucuzlaşıb. Qiymət düşməsi İmişli və Sabirabad rayonlarında da hiss olunur.
Publika.az Xəzər TV-yə istinadən bildirir ki, ekspertlər hesab edir ki, bu rayonlarda baş verən qiymət dəyişikliyi mərhələli şəkildə digər bölgələrdə də özünü biruzə verə bilər.
Qiymətlərin enməsi daha çox iribuynuzlu heyvan ətində nəzərə çarpır. Dana ətinin qiymətində 1 manat civarında ucuzlaşma var. Bunu satıcılar da təsdiqləyir.
Heyvan bazarında qiymətlərin ucuzlaşması pərakəndə satışa da təsir edib.
Mütəxəssislərin fikrincə, hazırkı qiymətlərin nə vaxta qədər belə qalacağı tələb və təklifdən asılı olacaq.
Qeyd edək ki, sözügedən 3 rayonda 324 min başdan çox iribuynuzlu heyvan saxlanılır ki, bu da ölkədəki umumi heyvanların baş sayının 13 faizini təşkil edir.
Mövzu ilə bağlı daha ətraflı videomaterialı təqdim edirik:
