İlk dəfə Harold Koffinin təklif etdiyi “Ümumdünya heç nə günü” 1973-cü ildən bəri hər il yanvarın 16-da qeyd olunur. Məqsəd bir gün də olsa, hərəkətsizlik, sükut və istirahət təmin edərək zehni dinc buraxmaqdır.
Publika.az xəbər verir ki, insan həyatının 40 ilini, yəni hər dörd saatdan birini işləməklə keçirir. Uzun müddət istirahət etmədən işləmək şəxsi sağlamlığı pisləşdirən əsas amillərdəndir. OECD Better Life Index tərəfindən paylaşılan məlumatlara görə, OECD ölkələrində fərdlərin yüzdə 10-u həftədə 50 saatdan çox işləyir.
Digər tərəfdən, qeyd olunur ki, insanlar nə qədər çox işləsələr, şəxsi qayğı, fəaliyyət və ya istirahət kimi digər fəaliyyətlərə bir o qədər az vaxt ayırmalı olur. Bunun da nəticəsində onların rifah və məhsuldarlıq səviyyələri azalır.
Şəfiyeva Roza
