"Başqalarına kömək etmək insanı daha xoşbəxt edir. İnsan həm də mərhəmət və daxili dincliyi inkişaf etdirməyə çalışmalıdır. Çünki yer üzündə sülh ruhda olarsa, qurula bilər".
Publika.az xəbər verir ki, bu barədə 14-cü Dalay Lama yeni il təbrikində deyib.
Onun fikrincə, insanlar yaşamaq üçün bir-birlərinə güvənməli olan sosial heyvanlardır ki, bu da başqalarının xeyrinə işləməyi tələb edir.
O vurğulayıb ki, əgər insan kömək edə bilmirsə, o zaman heç olmasa başqalarına zərər verməməyə çalışmalıdır.
"Mən kəşf etdim ki, başqalarına kömək etmək özümüzə xoşbəxtlik və sülh gətirməyin ən yaxşı yoludur", - Dalay Lama deyib.
O, həmçinin insanları daha mənalı həyat sürmək, dünyanı daha yaxşı bir yerə çevirmək və 21-ci əsri dialoq əsrinə çevirmək üçün səy göstərməyə çağırıb.
Hüseyn İbadlı
