Qroznının mərkəzi hissəsində 200 hektardan çox ərazini əhatə edən yeni rayon yaranacaq.
Publika.az xəbər verir ki, bu barədə Çeçenistan rəhbəri Ramzan Kadırov Telegram kanalında məlumat verib. Rayon Rusiya prezidenti Vladimir Putinin adını daşıyacaq.
“Şəhərin mərkəzi hissəsində işlərin gedişi ilə tanış oldum, burada genişmiqyaslı quruculuq işləri aparılır, başa çatdıqdan sonra ümummilli liderimizin şərəfinə adlandırılacaq yeni məhəllə yaranacaq. zəmanəmizin ən nüfuzlu siyasi xadimi, Rusiya prezidenti Vladimir Putinin adına”, - Kadırov yazıb.
Onun sözlərinə görə, yeni salınacaq rayonun ərazisində 130 yaşayış binası, məscid, uşaq bağçası və digər sosial infrastruktur obyektləri tikiləcək. Onun Qroznının ən rahat və prestijli rayonu olacağı gözlənilir.
Tural
