Böyük Britaniya iki əsr əvvəl Qanadan ixrac etdiyi qızıl və zinət əşyalarını elə bu ölkəyə icarəyə vermək qərarına gəlib.
Publika.az xəbər verir ki, ümumilikdə söhbət Britaniya Muzeyində və Londondakı Viktoriya və Albert Muzeyində saxlanılan 32 nüsxədən gedir. 19-cu əsrdə onlar Aşanti imperiyasının padşahları sülaləsinə mənsub idilər.
Keçən il sülalənin nəslindən olan Kral İkinci Osey-Tutu Londona gəlib və III Kral Çarlzla görüşüb.
Görünür, bu görüş zamanı qiymətli əşyaların vətənə “qaytarılması” barədə razılıq əldə olunub.
Qeyd olunur ki, oğurlanmış əmlakın icarə müddəti 3 ildir. Daha sonra müddətin uzadılması ilə bağlı qərarı Britaniya Muzeyi verəcək. Amma bu qurumun ianə vermək və ya qəniməti sadəcə geri qaytarmaq səlahiyyəti yoxdur.
