Kiprə yeni təyin edilən kolumbiyalı qadın diplomat Maria Angela Holqun Kuellar KKTC prezidenti Ersin Tatar və Kipr Rum lideri Nikos Anastasiadis ilə görüşmək üçün Lefkoşaya gəlib.
Publika.az xəbər verir ki, Kuellar türk və yunan liderləri ilə ayrı-ayrılıqda görüşəcək və yarım əsrdən çox davam edən Kipr probleminin həllinə ümidin olub-olmadığını araşdıracaq.
Kolumbiyanın keçmiş xarici işlər naziri Kuellar tərəflər razılıq verdikdən sonra ilin əvvəlində Kipr missiyasına təyin olunub. Nyu-orkdan komandası ilə gələn Kullerin bir həftə Kiprdə qaldıqdan sonra Türkiyə, Yunanıstan və İngiltərəni ziyarət etməsi gözlənilir.
Roza Şəfiyeva
