ABŞ Ukrayna Silahlı Qüvvələrinin (AFU) Amerika silahları ilə Moskva və Kremlə hücumlarına icazə verməyəcək.

Publika.az xəbər verir ki, bu barədə Birləşmiş Ştatların prezidenti Co Bayden "ABC News" telekanalına müsahibəsində bildirib.

"Biz Rusiyanın dərinliyinə zərbələr endirməyə icazə vermirik, həmçinin Moskvaya və Kremlə zərbə endirməyə də icazə vermirik", - Amerika lideri qeyd edib.

Onun sözlərinə görə, Ukrayna hərbçilərinə qarşı tərəfə konkret hədəflərə zərbə endirmək üçün yalnız Ukrayna sərhədi yaxınlığında Amerika silahlarından istifadə etməyə icazə verilir.

Xatırladaq ki, bundan əvvəl Rusiya prezidenti Vladimir Putin bildirmişdi ki, Qərb dövlətlərinin iştirakı ilə Rusiya ərazisinə hücumlar onların Moskvaya qarşı müharibədə birbaşa iştirakı deməkdir. O vurğulamışdı ki, Rusiya oxşar şəkildə hərəkət etmək hüququnu özündə saxlayır.

Adəm Abbaslı