İsrailin Baş naziri Benyamin Netanyahu iyulun 22-də Vaşinqtona səfəri zamanı ABŞ prezidenti Co Baydenlə görüşməyi planlaşdırır.
Publika.az xəbər verir ki, bu barədə “The Times of Israel” İsrail rəsmiləri arasında olan mənbəyə istinadla yazır.
Nəşr görüşün Ağ Evdə keçirilməsinin planlaşdırıldığını bildirir. Qeyd olunur ki, Bayden 2022-ci ilin sonunda İsrailin baş naziri vəzifəsinə keçdikdən sonra Netanyahunu ilk dəfə Vaşinqtonda qəbul edəcək.
Bundan əvvəl Bayden bildirib ki, İsrail və Fələstinin HƏMAS hərəkatı Qəzza zolağında atəşkəsin “çərçivə” parametrləri ilə bağlı razılığa gəliblər. Onun sözlərinə görə, tərəflər detallar üzərində işləyir.
Hüseyn İbadlı
