Avstraliyada alınan qərarla artıq ictimai yerlərdə nasist salamı, terror təşkilatlarına aid simvolların nümayişi və satışına icazə verilməyəcək.
Publika.az xəbər verir ki, Avstraliya Parlamenti 2023-cü ilin iyununda parlamentə təqdim edilən və 2023-cü ilin dekabrında qəbul edilən qanun layihəsinin yanvarın 8-də qüvvəyə mindiyini açıqlayıb. Qanuna əsasən, ictimai yerlərdə nasist salamı verən, svastika və ya Nasist Schutzstaffel (SS) adlı hərbiləşdirilmiş birləşmə ilə əlaqəli "qara günəş" simvolu göstərən şəxslər 12 aya qədər həbs cəzası ala bilərlər.
Bu simvolların satışı və ticarəti də qadağan edilib. Sözügedən qanunda Kanberra hökuməti tərəfindən terror təşkilatı sayılan PKK, DEAŞ və HƏMAS-a aid simvolların ictimai yerlərdə nümayişinə qadağa da daxildir.
Aysel
