Avstraliyanın xarici işlər naziri Penni Vong 2014-cü ildə Malayziya Hava Yollarının “MH17” reysini vurmasına görə Rusiyanı məsuliyyətə cəlb edəcəklərini bildirib.
Publika.az xəbər verir ki, o, bu barədə 298 nəfərin həyatını itirdiyi “MH17” sərnişin təyyarəsinin vurulmasının ildönümü ilə əlaqədar keçirilən anım tədbirində açıqlama verib.
Vonq Rusiyaya qarşı ədalət axtarışlarını davam etdirəcəklərini qeyd edib: "Avstraliya hökuməti adından mən həqiqət, ədalət və 2014-cü il iyulun 17-də törədilən cinayətlərə görə cavabdehlik axtarışımızı bir daha təsdiqləyirəm. Biz Rusiyanı hesaba çəkmək əzmimizdən dönməyəcəyik".
Xatırladaq ki, bu hadisə 17 iyul 2014-cü ildə Ukrayna-Rusiya sərhədindən 40 kilometr aralıda baş verib. Ukrayna hadisədə Rusiyanı təqsirli bilsə də, Moskva bu iddiaları rədd edir.
Roza Şəfiyeva
