Ədən körfəzində yerləşən Amerika hərbçiləri husilərin atdığı daha bir raketi vurub.
Publika.az xəbər verir ki, bu barədə "Reuters" məlumat yayıb.
Qeyd edilib ki, gəmi əleyhinə raket Amerika bayraqlı "MV Torm Thor" tankerinə yönəlib, lakin "USS Mason" esminesinin atəşi nəticəsində məhv edilib.
Gəmilərin heç birinə ziyan dəyməyib, xəsarət alan olmayıb.
Fevralın 24-də ABŞ ordusunun Husilərə məxsus yeddi gəmi əleyhinə raketi vurduğu bildirilir.
Fevralın 23-də husilər Britaniya və ABŞ-dan olan gəmilərinc Qırmızı dənizdən keçməsinə qadağa qoyulduğunu elan ediblər. Yəmənli üsyançıların yaratdığı Humanitar Əməliyyatların Koordinasiyası Mərkəzi bu barədə gəmiləri ABŞ və Britaniya bayrağı altında üzən və ya Amerika və ya Britaniya sahiblərinə məxsus şirkətlərə xəbərdarlıq edib.
Hüseyn İbadlı
