Prod by XSON
2 Azərbaycan boksçusu Macarıstanda keçirilən beynəlxalq turnirin finalında
Eger şəhərində (Macarıstanın) yeniyetmə boksçular arasında beynəlxalq turnirin yarımfinal mərhələsi başa çatıb.
QÜTB.AZ-ın məlumatına görə, Azərbaycan millisinin iki idmançısı finala gedən yolda mübarizə aparıb.
60 kq çəki dərəcəsində Tağı Nəsibov yerli Daniel Frank ilə qarşılaşıb. Boksçumuz 5:0 (30:26, 30:26, 30:26, 29:27, 30:26) hesabı ilə qalib gələrək finala yüksəlib. Həlledici mərhələdə o, Özbəkistanlı Əbdüləziz Jurakulovla görüşməli olacaq.
Abbasqulu Şadlinski (71 kq) da komanda yoldaşının uğurunu təkrarlayıb. O, yarımfinalda Rastislav Anişkodan (Slovakiya) güclü olub - 5:0 (29:27, 29:28, 29:28, 29:28, 29:28). Finalda Şadlinski Arpad Jambor (Macarıstan) ilə görüşəcək.
Qeyd edək ki, final mərhələsi bu gün baş tutacaq.
