İslamabad Ali Məhkəməsi Pakistanın keçmiş Baş naziri və “Ədalət naminə hərəkat” müxalif partiyasının qurucusu İmran Xanı girov qarşılığında azadlığa buraxıb.
QÜTB.AZ xəbər verir ki, məhkəmə İmran Xanı hər biri bir milyon rupi (3 min 611 dollar) olmaqla iki girovun ödənilməsi şərti ilə azad edib.
Xatırladaq ki, İmran Xan 2018-2022-ci illərdə Pakistanın Baş naziri olub, 2022-ci il aprelində ona qarşı verilən etimadsızlıq səsverməsi nəticəsində vəzifəsindən kənarlaşdırılıb. İmran Xan bu ilin yanvar ayında dövlət sirrinin yayılması işi üzrə mühakimə olunub və 10 il müddətinə azadlıqdan məhrum edilib.
Onun həyat yoldaşı Buşra Bibi də həbs edilmiş, daha sonra girov müqabilində azadlığa çıxmışdı.
