Yeni Kaledoniyada keçirilən kütləvi etirazlardan sonra Fransa Ali Şurası adada hərbi vəziyyət elan edib.

QÜTB.AZ-ın şənbə günü verdiyi məlumata görə  , adaya çoxlu sayda hərbçi, polis, jandarma və xüsusi təyinatlılar göndərilib.

Yüzlərlə etirazçı həbs edilib, bütün nümayişlər və aksiyalar qadağan edilib, sosial şəbəkələr bloklanıb. Jurnalistlərin adaya girişi məhduddur.

Qeyd edək ki, Yeni Kaledoniyada (Sakit Okeanda Fransanın xarici ərazisi) bir neçə gün əvvəl sosial vəziyyətin ağırlığına, işsizliyə və ayrı-seçkiliyə qarşı etiraz aksiyaları keçirilib. Etirazçılarla polis arasında toqquşma iki polis əməkdaşının və üç etirazçının ölümünə səbəb olub.

Yeni Kaledoniya Fransadan 16 min kilometr aralıda Sakit okeanda Avstraliya qitəsinin yaxınlığında yerləşir və bu böyük məsafəyə baxmayaraq Fransa adanı öz müstəmləkəsinə çevirərək istismar edir ki, bu da yerli əhalinin etirazı ilə qarşılanır.