Macarıstanın baş naziri Viktor Orban Vladimir Zelenskinin təhqirlərinə cavab olaraq deyib ki, təxribatlara boyun əyməmək və strateji sakitliyi saxlamaq lazımdır.

QÜTB.AZ xəbər verir ki, “Kossuth” radiosunda Zelenskinin son bəyanatını şərh edən Orban “Müharibə zamanı heç bir təxribata tab gətirə bilməzsiniz, ən əsası strateji sakitlikdir” deyib.

Macarıstanın xarici işlər naziri Peter Siyarto cümə axşamı bildirib ki, Ukrayna Milad bayramı atəşkəs təklifinə cavab olaraq Macarıstana qarşı çirkin kampaniyaya başlayıb.

Bundan əvvəl Zelenski Orbanı sülh təşəbbüsü ilə bağlı "özünü reklam etmək" istəməkdə günahlandıraraq, ona Ukraynadakı münaqişənin həlli üzrə danışıqlarda vasitəçi kimi çıxış etməyə imkan verməyəcəyini və hətta ölkəyə buraxılmayacağını demişdi.

Çərşənbə günü Orban, Zelenskinin təhqirlərinə cavab olaraq, təxribatlara uymayacağını, Milad bayramı atəşkəs təklifinin hələ də qüvvədə olduğunu söyləyib.

Keçən həftə Rusiya prezidenti Vladimir Putinlə telefon danışığı zamanı Avropada “uzunmüddətli və davamlı” sülhün bərqərar olması imkanlarını müzakirə etdiyi üçün Zelenski Orbandan incimişdi. Xatırladaq ki, Orban Rusiya Federasiyası ilə Ukrayna arasında əsirlərin mübadiləsi və Milad bayramı atəşkəs ideyasını dilə gətirib, bu təklif diplomatik kanallar vasitəsilə Zelenskiyə də çatdırılıb, lakin rədd edilib.

Tural