Nigeriyanın Niger əyalətində çobanlarla fermerlər arasında qarşıdurma baş verib.
QÜTB.AZ xəbər verir ki, bu barədə ölkə mətbuatı məlumat yayıb.
Əyalətin Bosso bölgəsində Fulani çobanları ilə fermerlər arasında yaşanan qarşıdurmada 5 nəfər ölüb, çox sayda insan yaralanıb.
Köçəri Fulani xalqı fermerlərin heyvanlarını oğurlamağa çalışdığını və onlara hücum etdiyini iddia edir.
Nigeriyanın şimalında vaxtaşırı heyvandarlıqla məşğul olan Fulani xalqı ilə əkinçiliklə məşğul olan bəzi qəbilələr arasında şiddətli qarşıdurmalar baş verir. Qərbi və Mərkəzi Afrikanın bir çox ölkəsində yayılan Fulani, təxminən 40 milyon əhalisi olan Afrikanın ən böyük yarı köçəri tayfası kimi tanınır.
Roza
