"Real"ın hücumçusu Vinisius Junior İspaniya La Liqasında 2 oyunluq cəzalanıb.
QÜTB.AZ xəbər verir ki, braziliyalı forvard "Las Palmas" (19 yanvar) və "Valyadolid" (25 yanvar) ilə oyunları buraxacaq. Bununla belə, o, yanvarın 9-da İspaniya Superkubokunun yarımfinalında “Malyorka”ya qarşı oynaya biləcək.
Bu hadisəyə görə "Los Blankos" 700 avro, futbolçunun özü isə 600 avro cərimə olunub.
Qeyd edək ki, Vinisius yanvarın 3-də La Liqanın 12-ci turunun təxirə salınmış oyununda "Valensiya" ilə matçda (2:1) rəqib qapıçı Stole Dimitrievskini itələdiyi qırmızı vərəqə alaraq meydandan qovulub.
Qutb
