“Qalatasaray”ın hücumçusu Mauro İkardinin şəxsi həyatında növbəti qalmaqal yaşanır.
Publika.az xəbər verir ki, həyat yoldaşı Vanda Nara növbəti dəfə argentinalı futbolçudan ayrıldığını açıqlayıb.
“Mən ayrılmaq qərarına gəldim, amma eyni zamanda bir ailə olmağı dayandırmayacağıq. Sevgimiz adına minlərlə cəhd də səhv deyildi. Heç nəyə peşman deyiləm. Həyatımın ən gözəl illərini bizə verdim, amma indi tək qalmalıyam. Burada günahkar və ya üçüncü tərəf yoxdur. Biz həmişə kənardan göründüyümüzdən daha güclü olmuşuq. Mənim üçün övladlarım hər zaman prioritetdir və bu gün onlar hər şeydən önəmlidir”, – deyə Nara sosial şəbəkə hesabında yazıb.
Qeyd edək ki, cütlük ikinci dəfə ayrılır. Vanda və Mauro daha əvvəl 2022-ci ilin sentyabrında ayrılıblar. Lakin noyabrda münasibətlərini bərpa ediblər.
Heybət
