Bu il yanvarın 3-də Ukrayna və Rusiya arasında keçirilən genişmiqyaslı məhbus mübadiləsi zamanı Xarkov “Politexnik”inin keçmiş basketbolçusu və 3×3 basketbol üzrə Ukrayna çempionu Boris Zavatski vətəninə qayıdıb.
Publika.az xəbər veririk, Boris İvan Sirko adına 92-ci mexanikləşdirilmiş briqadanın tərkibində döyüşüb, lakin 25 mart 2022-ci ildə Xarkov vilayətində Olxovka kəndi yaxınlığında döyüş tapşırığı zamanı pusquya salınaraq əsir düşüb.
“O, 21 ay əsirlikdə qaldı. Qırmızı Xaç vasitəsi ilə onun sağ və əsirlikdə olduğunu bildim. Onunla birlikdə başqa bir idmançı var idi – kikboksçu Aleksey Anulya.
O, təxminən 45 kiloqram arıqlayıb. Orada onu incidiblər, beyin silkələnməsi keçirib, ümumiyyətlə, səhhəti xeyli pisləşib.
Mübadilədən sonra mənə göndərdiyi fotoşəkillərdə onu tanımırdım. Amma sınmadı. Boris vətənpərvər insandır, o, həmişə Ukraynanın tərəfdarıdır”, – idmançının həyat yoldaşı Yuliya Zavatskaya Ukrayna Basketbol Federasiyasının mətbuat xidmətinə müsahibəsində deyib.
