"Əl-Nəsr"in və Portuqaliya millisinin hücumçusu Kriştiano Ronaldo millidə oynamaqdan imtina edən futbolçuları tənqid edib.
QÜTB.AZ xəbər verir ki, 39 yaşlı superulduz "Record"a açıqlamasında bu sözləri deyib:
“18 yaşımda milli komandaya gələndə bu, arzum idi. Bu qədər kubok qazandıqdan sonra belə, milli komandada oynamaqdan, ölkənizi, mədəniyyətinizi, dostlarınızı təmsil etməkdən gözəl bir şey yoxdur. Buna görə də Portuqaliyanı təmsil etmək istəməyən bəzi oyunçulara görə məyus oldum".
39 yaşlı forvard 2003-cü ildən Portuqaliya millisində çıxış edir. 2008-ci ildən isə yığmanın kapitanıdır. Milli komandanın heyətində keçirdiyi 215 matçda Ronaldo 133 qol vuraraq komandanın bombardiri olub. O, eyni zamanda 45 məhsuldar ötürmə verib.
Qutb
