Hücumçu Meyson Qrinvud “Marsel”ə keçidi haqda danışıb.

Publika.az xəbər verir ki, Meyson fanatların ona qarşı təşkil etdiyi etiraza da münasibət bildirib.

“Klubun məni almaq istədiyini biləndə diqqətimi dərhal Marselə yönəltdim. Buradakı stadion və azarkeşlər heyrətamizdir. Möhtəşəm bir atmosfer, Avropanın ən parlaqlarından biri, hətta İngiltərədə də məşhurdur. Yeni baş məşqçi Roberto De Zerbi də klub üçün dəyərli varlıqdır və onun rəhbərliyi altında işləməyi səbirsizliklə gözləyirəm. Komandaya kömək etmək üçün istənilən mövqedə oynamağa hazırdır. “Marsel” üçün hər şeyimi verəcəm.

Bəzi azarkeşlərin narazılığını başa düşürəm, amma münaqişəyə girmək istəmirəm. Mən irəli getmək, “Marsel”in bir hissəsi olmaq istəyirəm. Mən ailəmin və özümün burada xoşbəxt olmağını və bütün diqqətimi futbola yönəltmək istəyirəm”, – deyə futbolçunun sözlərini “L’Equipe” yayıb.

İyulun 18-də “Marsel”, əvvəllər “Mançester Yunayted”ə məxsus olan 22 yaşlı cinah oyunçusu Meyson Qrinvudu aldığını rəsmən elan etdi.