“Real Madrid”in prezidenti Florentino Peres hücumçu Kilian Mbappeni transfer etməyin çətinliyi haqda danışıb.
QÜTB.AZ xəbər verir ki, Peresin sözlərini AS nəşri sitat gətirib.
“Mbappenin “Real”a keçidi futbol dünyasındakı əsas hadisələrdən biri idi. Bunun üçün o, elə səy göstərdi ki, çoxları bunu təsəvvür belə edə bilməz.
Kilian artıq bizə ilk titulumuzu – Avropa Superkubokunu qazanmağımıza kömək etdi”, – Peres bildirib.
Fransız futbolçu ötən yay azad agent kimi Madrid klubuna keçib. Bundan əvvəl, 2018-ci ildən Mbappe PSJ-də çıxış edirdi. Bu mövsüm hücumçu bütün turnirlərdə 16 matçda iştirak edib, 8 qol vurub və iki məhsuldar ötürmə edib.
