Belaruslu bodibildinq ulduzu İlya Qolem (Yefimçuk) dünyasını dəyişib.

QÜTB.AZ xəbər verir ki, bu barədə 36 yaşlı idmançının həyat yoldaşı sosial şəbəkədə yazıb.

“Dostlar, ürəyimdə inanılmaz ağrı ilə sizə bildirməliyəm ki, İlya bu dünyanı tərk etdi…

Sentyabrın 6-da səhər evdə ürəyi dayandı, yaxınlıqda idim, təcili yardım çağırdım, onlar yolda olarkən ürək masajı etdim. Təcili yardım maşını çox tez gəldi və onu təcili olaraq helikopterlə klinikaya apardılar.

Bütün bu müddət ərzində dua etdim, İlyuşanın özünə gələcəyinə ümidim var idi. Hər günümü onun yanında keçirirdim, ümidim var idi, iki gün ürəyi işə düşdü, amma bu gün həkim mənə dəhşətli xəbər dedi – beyin ölümü olub”, – Anna Yfimçuk yazıb.

Əvvəllər belaruslu bodibilder deyirdi ki, o, gündə yeddi dəfə yemək yeyir. Boyu 185 santimetr olan idmançı 158 kiloqram ağırlığında idi.