Əfqanıstanın şimal-şərqində "Falcon 10" biznes təyyarəsinin qəzaya uğraması nəticəsində sağ qalanlardan biri özünü yaxınlıqdakı kəndə çatdıra bilib və yerli sakinlərdən kömək istəyib.

Publika.az xəbər verir ki, bu barədə Əfqanıstan Beynəlxalq telekanalı məlumat yayıb .

Sağ qalan şəxs Bədəxşan əyalətinin şimalındakı Kof Ab rayonunun Pedu kəndinə çata bilib və işarə dili ilə köməyə ehtiyacı olduğunu başa sala bilib.

Qeyd edək ki, yanvarın 21-də Moskvaya uçan sərnişin təyyarəsi Əfqanıstanda qəzaya uğrayıb. Təyyarə Bədəxşan əyalətinin Zebak bölgəsində dağa çırpılıb. Məlumata görə təyyarənin qəzaya uğraması texniki nasazlıq - iki mühərrikin sıradan çıxması nəticəsində baş verib.

"Falcon 10"-un göyərtəsində Rusiya vətəndaşları olub. Əfqanıstanda qəzaya uğrayan təyyarədən sağ çıxanlar "Taliban" hərəkatına təhvil verilib. Sağ qalanların köçürülməsini "Taliban"ın Bədəxşan qubernatorunun mətbuat katibi Zəbihullah Amiri təsdiqləyib. Həmçinin qeyd olunub ki, təyyarə qəzası iştirakçılarına lazımi köməklik göstərilir.

Cəmilə