Türkiyə və Kosovonun müdafiə nazirləri Yaşar Gülər və Eyup Makedonçi hərbi çərçivə sazişi imzalayıblar.
Publika.az xəbər verir ki, Makedonçi Ankaraya türkiyəli həmkarının dəvəti ilə gəlib.
"Milli müdafiə naziri Yaşar Gülər ilə məhsuldar iş görüşü. Biz Hərbi Çərçivə Sazişi imzaladıq", - Kosovo rəsmisi sosial şəbəkədə yazıb.
Onun sözlərinə görə, görüş zamanı tərəflər ikitərəfli əməkdaşlığa, müdafiə və təhlükəsizlik sahəsində tərəfdaşlığa birgə sadiqliklərini təsdiqləyiblər.
Bundan əvvəl Serbiya prezidenti Aleksandr Vuçiç ABŞ, Almaniya və Türkiyənin Priştinanı aktiv şəkildə silahlandırdığını bildirmişdi.
