Çin avtomobil şirkəti "Geely" tərəfindən sürücüsüz avtomobillərə xidmət etmək üçün hazırlanmış ikinci qrup peyklər kosmosa buraxılıb.
Publika.az xəbər verir ki, “Geely-02” adlı 11 peykdən ibarət qrup "Long March-2C" raketi ilə orbitə çıxarılıb. Peyklər yerin alçaq orbitində müəyyən edilmiş yerə yerləşib.
Peyk şəbəkəsi ağıllı nəqliyyat vasitələrinə peyklə əlaqəli avtonom idarəetmə dəstəyini təmin etmək üçün nəzərdə tutulub.
Şirkət öz peykləri ilə 240 parçadan ibarət peyk şəbəkəsi qurmağı planlaşdırır və 2025-ci ilə qədər orbitə 72 peyk göndərməyi hədəfləyir.
Roza Şəfiyeva
