"Android" üçün "Telegram"da "Fact Check" funksiyası (fakt yoxlaması) yaradılıb.
Publika.az xəbər verir ki, "Fact Check" "X" sosial şəbəkəsindəki oxşar funksiya ilə eyni şəkildə işləməyəcək.
Belə ki, daimi istifadəçilər tərəfindən yaradılan və qiymətləndirilən "X"in İcma Qeydlərindən fərqli olaraq, "Telegram"ın "Fakt Yoxlamaları" müəyyən bir ölkənin hökuməti tərəfindən idarə olunacaq.
Hökumət "Telegram"da nəşrləri yoxlayacaq məsul qurum təyin edə bilər. Adi istifadəçilər faktların yoxlanılmasından sonra dəqiqləşdirmələrin məzmununa təsir göstərə bilməyəcəklər.
