ABŞ prezidenti Co Bayden seçki yarışından geri çəkilmək qərarına gəlib və onun dövlət başçısı postuna varisi avqustda müəyyənləşəcək.

Publika.az xəbər verir ki, bunu amerikalı siyasi şərhçi və "Newsmax" telekanalının şərhçisi Mark Halper deyib.

"Prezident Bayden Demokratların namizədi kimi yarışdan çəkilməyə razılaşıb. Bu, həftə sonu baş verəcək. Onun üçün çıxış yazılır", - ABŞ Demokratik Partiyasının üzvləri arasında çoxlu sayda mənbəyə istinad edən Halper deyib.

O qeyd edib ki, Bayden səlahiyyət müddətinin sonuna qədər prezident kimi fəaliyyətini davam etdirmək niyyətindədir. Halperin həmçinin iddia edib ki, Bayden qarşıdan gələn seçkilərdə Demokratların namizədi vitse-prezident Kamala Harrisi dəstəkləmək niyyətində deyil.

"Bayden, Barak Obama və Nensi Pelosi də daxil olmaqla, aparıcı demokratların təzyiqi altında və iyunun 27-də Donald Trampla debatda zəif çıxış etdikdən sonra qalib gəlmək şansının aşağı olması səbəbindən yarışdan çəkilməyə razılaşıb", - Halper yekunlaşdırıb.

Hüseyn İbadlı