Türkiyəli müğənni Murad Dalkılıç səhhəti ilə əlaqədar konsertlərini ləğv edib.
Publika.az Türkiyə mediasına istinadən xəbər verir ki, ulduz bu baradə instaqramda məlumat yayıb və bütün tamaşaçılardan üzr istəyib.
"Təəssüf ki, səhhətimlə bağlı problemlərə görə 7 mart London konsertini və keçirilməsi planlaşdırılan bütün konsertləri ləğv etməli olduq. Bilet alan hər kəsdən üzr istəyirəm. Müalicəm bu müddət ərzində diqqətlə davam edəcək və yenidən əməliyyat olunacağam. Sağlam və şübhəsiz ki, daha yaxşı günlərdə ən qısa zamanda bir araya gələcəyik", - 40 yaşlı ulduz qeyd edib.
