Kensinqton Sarayından verilən yazılı açıqlamada, Uels hersoginyası Keyt Middltonun dünən planlaşdırılan qarın əməliyyatı üçün Londondakı xüsusi xəstəxanalardan birinə yerləşdirildiyi bildirilib.

Publika.az xarici mətbuata istinadən xəbər verir ki, açıqlamada əməliyyatın uğurlu keçdiyi və Keyt Middltonun 10-14 gün xəstəxanada yatacağı bildirilib.

Mövcud tibbi tövsiyələrə əsasən, Middltonun Pasxa bayramından sonra krallıq vəzifələrinə qayıtmasının mümkün olmadığı qeyd edilib.

"Uels hersoginyası bu açıqlamanın yaradacağı narahatlığı yüksək qiymətləndirir. O ümid edir ki, ictimaiyyət onun şəxsi tibbi məlumatlarını gizli saxlamaq istəyini başa düşəcək. Ona görə də Kensinqton Sarayı yalnız Əlahəzrətin səhhəti ilə bağlı irəliləyişləri mühüm yeni məlumat olduqda təmin edəcək", - müraciətdə yazılıb.

Kensinqton Sarayı Uels şahzadəsinin nə üçün müalicə aldığı barədə ətraflı məlumat paylaşmasa da, vəziyyətinin xərçənglə əlaqəsi olmadığı bildirilib.